Na Aldea de As Pegas o Concello de Sandiás vén de instalar dúas novas marquesiñas. Ambalasdúas dentro do Plan de mellora de refuxios de paradas dos servizos públicos de transportes de viaxeiros que está a impulsar a Xunta a través da Consellería de Presidencia, Xustiza e Deportes, Dirección Xeral de Mobilidade.
Trátase de marquesiñas cun deseño máis integrado na paisaxe a adaptado ao mundo rural e con maior funcionalidade. Cumpren coas normativas vixente de prevención de incendios e seguridade viaria. Esta actuación enmárcase no obxectivo de dotar de instalacións adecuadas as paradas das liñas de transporte, ofrecendo aos usuarios protección fronte ás inclemencias meteorolóxicas e mellorando a comodidade durante a espera.
Estas marquesiñas tamén conteñen como novidade códigos QR, un sistema implementado para consultar horarios e frecuencias en tempo real mediante o teléfono móbil. En Galicia, este sistema está integrado no transporte público, permitindo aos usuarios acceder á «marquesiña virtual».
Últimamente no Plan de Renovación do Concello de Infraestructuras varias o Concello vén de instalar varias marquesiñas en distintas aldeas ao longo dos últimos anos (aldea da Fontela, Sandiás, Piñeira de Arcos, Alto do Novaíño, Coalloso, Couso de Limia, As Pegas…) e continuará con dito plan de mellora e renovación de refuxio de paradas.
