O martes 29 de outubro celebrouse un simulacro de evacuación por incendio no Punto de Atención Infantil de Sandiás, co obxectivo de comprobar o correcto funcionamento dos protocolos de emerxencia e evacuación do centro.
Na actividade participou Protección Civil de Sandiás, que colaborou no desenvolvemento do simulacro e nas tarefas de apoio durante a evacuación.
O exercicio permitiu ao persoal e aos nenos e nenas do centro familiarizarse cos procedementos que se deben seguir ante unha posible situación de emerxencia, fomentando así a prevención e a seguridade.
Este tipo de simulacros son importantes para avaliar a capacidade de resposta ante unha eventualidade e para garantir que tanto o persoal como os usuarios do centro coñezan as pautas básicas de actuación en caso de incendio.
