O obradoiro organizado polo Proxecto de Animación Lectora da Furgoteca Ourense-Sur levouse a cabo no PAI e no Ceip de Sandiás o 24 de Outubro, Día das Bibliotecas. Esta actividade contou con dúas partes: por unha banda, a lectura do libro “O monstro de cores” e, por outra, a creación cos nenos e nenas dun “espazo da calma”.
Para elo, xogaron con diferentes materiais: botellas relaxantes, un par de plumas de cores e suaves, palliñas e boliñas pequenas de porexpan. Tamén pintaron tarros cos cores das emocións como aparecen no conto. Estes tarros terán logo unha función no día a día da escola: para que coloquen a súa foto na emoción coa que chegan a aula e coa que se van para a casa.
Se nalgún momento teñen que acudir ao “espazo da calma”, os cativos poden cambiar a emoción que teñan nese momento. Este espazo busca proporcionar ferramentas para que vaian as nenas e nenos recoñecendo as diferentes emocións.
E por último, Reme Cid, animadora da actividade deixou unha proposta escrita para as familias, relacionado coas emocions e que convén botarlle unha ollada.
