Os nenos e meniñas do PAI de Sandiás visitaron O Rexo en Allariz o luns día 1, ecoespazo, granxa e queixeria. A visita guiada foi realizada por Begoña e Noemí a quen lle damos as grazas polas suas explicacións didácticas.
O grupo comezou a visita no ecoespazo de “ pedras e arbores” pintadas por Agustín Ibarrola gozando da arte integrada na paisaxe e continuaron cara o fresco recuncho do río camiñando a través dun precioso pontillón.
De seguido colleron forzas cunha pequena merenda a media maña onde ademais de tomar cada un o seu xantar o espazo ofreceulles os nenos iogur artesán natural e aos maiores unha cata de queixos. Seguiuse coa visita a granxa e as ovellas aprendendo cousas básicas sobre gandeiría sostible e terminaron escoitando dous contos da man de Begoña.
Unha maña moi interesante e intensa na que os nen@s gozaron dunha aventura divertida e educativa de educación ambiental.
