Esta torre, declarada Ben de Interese Cultural, contaba con varios niveis: soto, tres plantas e azotea. Na parte interna do muro da torre que dá cara ao leste apréciase un oco á altura da terceira planta. Trátase dunha escaleira interior que dá acceso á azotea.
Dita azotea atopábase cuberta dunha densa vexetación. A intervención constou de varias accións: roza, limpeza manual e retirada de terra; selaxe manual das xuntas de pedra de sillería; recolocación de perpiaños de cantería e recalce de cimentación con cachotería irregular de pedra de granito compacta amasada con morteiro de cal.
Por último, realizouse unha estrutura de peche para recuperar e protexer a escaleira que dá acceso á azotea. Esta consta dun marco e unha tapa con pendente a catro augas de aceiro inoxidable.
Grazas a Juan José Rodríguez Nocelo por compartir con todos nós este vídeo.