Natural de Vilariño das Poldras, Xavier Cabrera empezou a traballar no concello no ano 1984 no Rexistro Civil. 35 anos no Rexistro Civil do concello e 5 anos encargado de obras.
Cando un traballo se fai por vocación é menos traballo e iso é o que se demostra tamén cando desfrutas do teu labor fronte o público. Así o fixo Xabier no día a día en Sandiás. Agora tócalle descansar e desfrutar da vida. Xabier agradece a todos os compañeir@s na casa do Concello que lle facilitaron o traballo e tamén a todos os veciñ@s do Concello de Sandiás. No nome do Concello, traballadores e veciños, o alcalde Felipe Traveso agradeceu os corenta anos de traballo encomiando o seu labor e a súa fidelidade, contando incluso algunhas anécdotas curiosas do seu periplo vital.
Ata este momento, despois dunha longa traxectoria, el atendeu aos demáis con moita tranquilidade e sendo moi sociable coa xente e agora tocalle coidarse e consentirse a se mesmo. E nós coa súa testemuña quedámonos coa máxima de que un traballo é menos traballo se fas o que che gusta.
A corporación e traballadores do Concello de Sandiás agradécelle os seus longos anos de traballo realizado con mimo e competencia e deséxalle o mellor na súa nova etapa da súa vida persoal.
Feliz xubilación, Xabier!
