As intervencións de mellora divídense en dúas grandes accións. Unha primeira, consistiu en substituír o actual equipo de bombeo da ETAP instalando un novo que garanta caudal e presión permanente grazas ao sistema de alternancia de bombeo en baixa. Unha segunda, consistiu en substituír os equipos actuais de “bombeo en alta” desde a ETAP ao depósito distribuidor do Novaiño, instalando un novo equipo de bombas multicelulares logrando un arranque progresivo da instalación, control permanente de caudal e presión, actuación de bombas auxiliares en caso de avaría e significativo aforro de enerxía eléctrica.
A intervención de mellora foi executada e financiada ó 100% por Augas de Galicia por un valor de 48.020,67€ e o día 19 de maio, estando presentes o facultativo da administración contratante, o enxeñeiro director das obras e o representante da empresa adxudicataria, procedeuse á recepción da obra de referencia.
