Despois da apertura do centro no pasado mes de Xullo, o Centro de Interpretación da Lagoa de Antela do Concello de Sandiás foi unha canle constante de visitantes dispostos a descubrir a historia da Lagoa de Antela e as particularidades do patrimonio histórico, artístico e etnográfico, así como as aves da comarca.
O técnico ou guía de turismo responsable foi Alexander De los Ríos por segundo ano consecutivo. O guía afirma que, pese á difícil situación derivada da pandemia do Covid 19, a exposición permanente non deixou de congregar visitantes, principalmente da zona da comarca da Limia pero tamén de Ourense e ata de A Coruña, Lugo, Madrid e Sicilia.
En total, lévanse contabilizado máis dun centenar de visitantes e agárdase que a tendencia siga en aumento nos próximos días e semanas. Dende o Centro de Interpretación da Lagoa de Antela lémbrase que a apertura regular da exposición finalizará o próximo día 9 de Outubro, polo que animan ás persoas interesadas a achegarse. A mostra ten as portas abertas dende o martes ata o domingo e dende as 16.00 horas ata ás 20.00 horas.
