ALBERGUE
«Trátase dun albergue que hay que contextualizar no Camiño Mozárabe/Vía da Prata. Forma parte da Rede Pública de Albergues do Camiño de Santiago en Galicia, xestionada pola S.A. Plan Xacobeo que naceu no 1993. O proxecto do Albergue naceu no ano 1998 e rematou a súa construcción no ano 2000.»

O edificio consta de dúas plantas e tódalas estancias están abertas cara o espazo central a modo de patio planificado como zona de estar. Na planta baixa sitúanse as zonas común de estar e comer e baixo a lousa da escaleira sitúase o control de acceso e un dormitorio para minusválidos. Na mesma planta, entorno a un corredor, están os baños, cociña, lavadoiro, almacén e tendedeiro. O acceso a segunda planta faise mediante unha escaleira que da a un corredor aberto e que conduce aos dormitorios da primeira planta e ós aseos.

O aspecto exterior do edificio respecta a contorna mantendo o aspecto dunha edificación tradicional pero sen renunciar a criterios de diseño modernos. O paralepípedo queda cortado con plano dunha ampla viseira en ángulo as dúas fachadas exercendo a función de porche e protexendo dos axentes atmosféricos e cun uso funcional de estacionamento de bicicletas. Destaca de maneira especial a fachada principal composta por unha orixinal celosía de lamas de madeira de cedro do Brasil e que sirve de peza fundamental para a iluminación do espazo interno.

Sitúase o albergue ao pé da Vía da Prata que cruza Sandiás, entrando dende Xinzo de Limia a través das aldeas de Vilariño das Poldras e Couso de Limia.

O albergue dispón de vinte prazas máis dúas para discapacitados, accesibilidade para discapacitados, calefacción central, cociña-comedor sen utensilios, duchas, internet/wifi en zonas comúns, lavadoiro, microondas, salón de estar,  tendedeiro de roupa, aparcamento de bicicletas e colchonetas auxiliares.

FOTOS
360
UBICACIÓN
En que podemos axudar?

Contacta co Concello para comunicar os teus comentarios, dúbidas ou suxerencias.

Enviar mensaxe
¡Ola!
¿En que podemos axudarte?